Latest News
വെള്ളച്ചാട്ടം കാണാനെത്തിയ യുവതി കുഴഞ്ഞു വീണു മരിച്ചു
ഇടുക്കി . വിനോദ സ‍ഞ്ചാരത്തിനെത്തിയ യുവതി വളഞ്ഞങ്ങാനത്തു വെള്ളച്ചാട്ടത്തിനു സമീപത്ത് കുഴഞ്ഞുവീണു മരിച്ചു. കൊല്ലം മ‍ഞ്ഞക്കര നെടുമ്പന എച്ച്എസ് വില്ലയിൽ എ.സലീമിന്റെയും ബി.മധുജയുടെയും മകൾ സഫ്ന സലിം(21) ആണു മരിച്ചത്. വളഞ്ഞങ്ങാനത്തു വെള്ളച്ചാട്ടത്തിനു സമീപത്ത് വച്ചായിരുന്നു ദുരന്തം.
ശനിയാഴ്ച ഉച്ചയ്ക്ക് 2 മണിക്ക് കുടുംബാംഗങ്ങൾക്കൊപ്പം വിനോദ സ‍ഞ്ചാരത്തിനെത്തിയ യുവതി ഇവിടെ വച്ച് കുഴഞ്ഞ് വീഴുകയായിരുന്നു. ഉടൻ തന്നെ പീരുമേട് താലൂക്ക് ആശുപത്രിയിൽ എത്തിച്ചെങ്കിലും മരണം സംഭവിച്ചു. വെളിച്ചിക്കാല ബഥരിയ ബിഎഡ് കോളജിലെ ഒന്നാം വർഷ ബിഎഡ് വിദ്യാർത്ഥിയാണ് സഫ്ന.