Latest News
രാഹുല്‍ ഗാന്ധിയുടെ ലോക്‌സഭാംഗത്വം ചോദ്യം ചെയ്ത് സുപ്രീം കോടതിയില്‍ ഹര്‍ജി
ന്യൂ ഡൽഹി. കോണ്‍ഗ്രസ് നേതാവ് രാഹുല്‍ ഗാന്ധിയുടെ ലോക്‌സഭാംഗത്വം പുനഃസ്ഥാപിച്ചതിനെതിരെ സുപ്രീം കോടതിയില്‍ ഹര്‍ജി. അംഗത്വം പുനഃസ്ഥാപിച്ചുള്ള ലോക്സഭാ സെക്രട്ടേറിയറ്റിന്റെ വിജ്ഞാപനം റദ്ദാക്കണമെന്നാണ് ഹര്‍ജിയിൽ ഉന്നയിച്ചിട്ടുള്ള ആവശ്യം. ഉത്തര്‍പ്രദേശിലെ ലക്‌നൗ സ്വദേശിയായ അഡ്വക്കേറ്റ് അശോക് പാണ്ഡേയാണ് ഈ ആവശ്യം ഉന്നയിച്ച് കോടതിയെ സമീപിച്ചിരിക്കുന്നത്.
മോദി പരാമര്‍ശത്തിലെ അപകീര്‍ത്തി കേസിൽ സൂറത്ത് കോടതി വിധിയുടെ പശ്ചാത്തലത്തിലാണ് രാഹുല്‍ ഗാന്ധിക്ക് എംപി സ്ഥാനം നഷ്ടമാവുന്നത്. തുടർന്ന് സുപ്രീം കോടതി നിര്‍ദ്ദേശ പ്രകാരം രാഹുലിന്റെ ലോക്‌സഭാംഗത്വം പുനഃസ്ഥാപിക്കുകയാണ് ഉണ്ടായത്. വിധി സ്റ്റേ ചെയ്തതോടെയാണ് രാഹുല്‍ ഗാന്ധിക്ക് എംപിയായി തുടരാന്‍ വഴിയൊരുക്കുന്നത്.