Latest News
തൃശൂരിൽ മുങ്ങിയ മൂന്ന് കുട്ടികളെ മുംബൈയിൽ കണ്ടെത്തി
തൃശൂർ . കൂർക്കഞ്ചേരിയിൽ കാണാതായ മൂന്ന് സ്കൂൾ വിദ്യാർത്ഥികളെ മുംബൈയിൽ കണ്ടെത്തി. മുംബൈയിലെ സാമൂഹ്യപ്രവർത്തകനാണ് കുട്ടികളെ തിരിച്ചറിഞ്ഞു സുരക്ഷിതമായി മുംബൈയിലെ ഒരു ടൂറിസ്റ്റ് ഹോമിലേക്ക് മാറ്റിയിട്ടുള്ളത്. കുട്ടികളെ നാട്ടിലെത്തിക്കാനുള്ള തയ്യാറെടുപ്പ് പോലീസ് ആരംഭിച്ചു. കുട്ടികളുടെ ബന്ധുക്കൾ സിറ്റി പോലീസ് കമ്മീഷണറുമായി ബന്ധപ്പെട്ടു. മുംബൈയ്ക്ക് അടുത്തുള്ള പനവേലിൽ നിന്നാണ് കുട്ടികളെ കണ്ടെത്താനായത്. തൃശൂരിൽനിന്നുള്ള പൊലീസ് സംഘം കുട്ടികളുടെ ബന്ധുക്കൾക്കൊപ്പം മുംബൈയിലേക്ക് തിരിച്ചിട്ടുണ്ട്.
ഒമ്പതാം ക്ലാസില് പഠിക്കുന്ന രണ്ട് വിദ്യാര്ത്ഥിനികളേയും ഒരു വിദ്യാര്ത്ഥിയേയുമാണ് കഴിഞ്ഞ ദിവസം രാവിലെ മുതല് കാണാതായത്. മൂവരും സ്കൂൾ യൂണിഫോം ഇട്ടാണ് വീട്ടിൽ നിന്നും പോകുന്നത്. വൈകുന്നേരം ആയിട്ടും കുട്ടികൾ വീട്ടിലെത്താത്തതിനെ തുടർന്ന് രക്ഷിതാക്കള് സ്കൂള് അധികൃതരുമായി ബന്ധപ്പെടുമ്പോഴാണ് കുട്ടികൾ ക്ലാസിൽ എത്തിയിരുന്നില്ല എന്ന വിവരം കിട്ടുന്നത്.
കുട്ടികളുടെ രക്ഷിതാക്കള് തുടര്ന്ന് നെടുപുഴ പോലീസ് സ്റ്റേഷനിൽ എത്തി പരാതി നൽക്കുകയായിരുന്നു. രക്ഷിതാക്കളുടെ പരാതിയിന്മേല് സിസിടിവി ദൃശ്യങ്ങള് ഉള്പ്പടെ കേന്ദ്രീകരിച്ച് പോലീസ് അന്വേഷണം നടത്തുന്നതിനിടയിലാണ്, കുട്ടികളെ മുംബൈയിൽ കണ്ടെത്തിയെന്ന വിവരം കിട്ടുന്നത്.