Entertainment
കേന്ദ്ര സർക്കാരിന്റെ ഒരു ലക്ഷത്തിനു പുറമെ ഓരോ പുലികളി സംഘത്തിനും 50,000 രൂപ വീതം സഹായവുമായി സുരേഷ് ഗോപി
തൃശൂർ . പുലികളി സംഘങ്ങൾക്ക് കേന്ദ്ര സർക്കാർ അനുവദിച്ച ധനസഹായത്തിനു പുറമെ മുൻ എംപിയും നടനുമായ സുരേഷ് ഗോപിയുടെ വക 50,000 രൂപ വീതം ധന സഹായം. മകളുടെ പേരിലുള്ള ലക്ഷ്മി ട്രസ്റ്റിൽ നിന്നുമാണ് സുരേഷ് ഗോപി ധനസഹായം നൽകിയത്. ഓരോ പുലികളി സംഘത്തിനും 50,000 രൂപ വീതം സുരേഷ് ഗോപി നേരിട്ടെത്തി കൈമാറി.
കേന്ദ്ര സർക്കാരും പുലികളി സംഘങ്ങൾക്ക് ധനസഹായം അനുവദിച്ചിരുന്നു. സർക്കാർ നൽകുന്ന ഒരുലക്ഷത്തിന് പുറമെയാണ് താൻ 50,000രൂപ നൽകുന്നതെന്ന് സുരേഷ് ഗോപി പറഞ്ഞു. തൃശൂരിനെ സ്നേഹിക്കുന്ന ഒരാളെന്ന നിലയിൽ കേന്ദ്രസർക്കാരിന്റെ പങ്കുചേരലിനോട് ചേർന്ന് തന്റെ മകളുടെ പേരിലുള്ള തുക കൂടി നൽകണമെന്ന് തീരുമാനിച്ചതിന്റെ ആദ്യ ഡ്രാഫ്റ്റ് കൊടുക്കാനായിട്ടാണ് സുരേഷ് ഗോപി എത്തിയത്.