Crime
താരമാക്കാമെന്ന് പറഞ്ഞു കൂട്ടി പോയി കൂട്ടബലാത്സംഗത്തിന് ഇരയാക്കി, കൂട്ടുകാരി അഫ്സീന അറസ്റ്റിലായി
കോഴിക്കോട് . സിനിമയിൽ അഭിനയിക്കാൻ അവസരം വാഗ്ദാനം ചെയ്ത് ഫ്ലാറ്റിൽ കൂട്ടിക്കൊണ്ടുപോയി യുവതിയെ പീഡിപ്പിച്ച സംഭവത്തിൽ കോഴിക്കോട് യുവതിയുടെ സുഹൃത്ത് അറസ്റ്റിലായി. കണ്ണൂർ മുണ്ടയാട് സ്വദേശിയായ അഫ്സീന (29) ആണ് അറസ്റ്റിലായിരിക്കുന്നത്. കണ്ണൂരിൽ ജോലി ചെയ്തിരുന്ന കോട്ടയം സ്വദേശിയായ യുവതി പീഡനത്തിനിരയായ സംഭവത്തിലാണ് അറസ്റ്റ്.
യുവതിയുമായി സൗഹൃദത്തിലായതിൽ പിന്നെ അഫ്സീന സുഹൃത്ത് ഷമീറിന്റെ സഹായത്തോടെ യുവതിയെ ഫ്ലാറ്റിലെത്തിച്ച് കൂട്ടബലാത്സംഗത്തിനിരയാ ക്കുകയായിരുന്നു എന്നാണ് പോലീസ് പറയുന്നത്. പൊലീസിൽ പരാതി നൽകുമെന്നു പറഞ്ഞു യുവതിയെ പീഡിപ്പിച്ചവരെ അഫ്സീന ഭീഷണിപ്പെടുത്തുകയും ചെയ്തിരുന്നു. അഫ്സീനയും ഷമീറും തന്നെയാണു പരാതിക്കാരിയെയും കൂട്ടി നടക്കാവ് പൊലീസ് സ്റ്റേഷനിലെത്തി പരാതി നൽകുന്നത്. പോലീസ് തുടർന്ന് നടത്തിയ അന്വേഷണത്തിൽ അഫ്സീന പിടിയിലാവുകയായിരുന്നു.
കേസുമായി ബന്ധപ്പെട്ട് മലപ്പുറം സ്വദേശികളായ അബൂബക്കർ, സെയ്തലവി എന്നിവരെ നേരത്തെ കുടകിലെ ഒരു റിസോർട്ടിൽ നിന്ന് പൊലീസ് അറസ്റ്റ് ചെയ്യുകയുണ്ടായി. പ്രതികൾക്ക് സഹായം നൽകിയ അഫ്സീനയുടെ സുഹൃത്ത് ഷമീർ കുന്നുമ്മലും അറസ്റ്റിലായിട്ടുണ്ട്. കോഴിക്കോട് ടൗൺ പൊലീസ് അസിസ്റ്റന്റ് കമ്മിഷണർ ബിജുരാജിന്റെ നേതൃത്വത്തിലുള്ള സംഘം ആണ് അന്വേഷണവും അറസ്റ്റും നടത്തിയത്.