Latest News
കേരളത്തിന് ഓണ സമ്മാനമായി രണ്ടാമത് വന്ദേഭാരത് അനുവദിച്ച് നൽകി റെയിൽവേ
ചെന്നൈ . കേരളത്തിന് ഓണ സമ്മാനമായി രണ്ടാമത് വന്ദേഭാരത് അനുവദിച്ച് റെയിൽവേ. എട്ട് കോച്ച് അടങ്ങിയ ആദ്യ റേക്ക് ബുധനാഴ്ച വൈകിട്ട് മംഗലാപുരത്ത് നിന്ന് പുറപ്പെട്ടു. നിറത്തിലും ഡിസൈനിലും മാറ്റം വരുത്തിയ റേക്കാണ് കേരളത്തിന് എത്തുന്നത്. ഇന്ത്യൻ റെയിൽവേയുടെ പാലക്കാട് ഡിവിഷനാണ് ഈ റേക്ക് അനുവദിച്ചിരിക്കുന്നത്.
രണ്ട് റൂട്ടുകളാണ് കേരളത്തിന് അനുവദിച്ച രണ്ടാം വന്ദേ ഭാരതിന് പരിഗണനയിൽ ഉള്ളത്. മംഗലാപുരം – തിരുവനന്തപുരം, മംഗലാപുരം- എറണാകുളം റൂട്ടുമാണ് നിലവിൽ പരിഗണനയിൽ ഉള്ളത്. ഇവയിൽ മംഗലാപുരം – തിരുവനന്തപുരം പ്രാവർത്തികമാക്കണമെങ്കിൽ രണ്ട് റേക്കുകൾ കൂടി ആവശ്യമായി വരുമെന്നാണ് വിലയിരുത്തുന്നത്. ഏറെനാളായി രണ്ടാമത്തെ വന്ദേഭാരതിനായി കേരളം കാത്തിരിക്കുകയായിരുന്നു. തിരുവനന്തപുരം – കാസർകോട് വന്ദേഭാരതാണ് രാജ്യത്തെ ഏറ്റവും തിരക്കുള്ള വന്ദേഭാരത് സർവീസ് എന്ന് അടുത്തിടെ റെയിൽവേ വെളിപ്പെടുത്തിയിരുന്നു.