Latest News
അടൽ ജിക്ക് ആദരാഞ്ജലികൾ അർപ്പിച്ച് രാഷ്ട്ര നേതാക്കൾ, ‘ആദരാഞ്ജലികൾ അർപ്പിക്കാൻ ജനങ്ങളോടൊപ്പം ഞാനും ചേരുന്നു’ മോദി Narendra modi
‘അടൽ ജിക്ക് ആദരാഞ്ജലികൾ അർപ്പിക്കാൻ ഇന്ത്യയിലെ 140 കോടി ജനങ്ങളോടൊപ്പം ഞാനും ചേരുന്നു. അദ്ദേഹത്തിന്റെ നേതൃത്വത്തിൽ ഇന്ത്യക്ക് വലിയ നേട്ടമുണ്ടായി. നമ്മുടെ രാജ്യത്തിന്റെ പുരോഗതി ഉയർത്തുന്നതിലും, അതിനെ 21-ാം നൂറ്റാണ്ടിലേക്ക് കൊണ്ടുപോകുന്നതിലും അദ്ദേഹം നിർണായക പങ്ക് വഹിച്ചു’ പ്രധാനമന്ത്രി നരേന്ദ്ര മോദിയുടെ ട്വീറ്റ്.
അന്തരിച്ച മുൻ പ്രധാനമന്ത്രി അടൽ ബിഹാരി വാജ്‌പേയിയുടെ ചരമവാർഷിക ദിനത്തിൽ പ്രധാനമന്ത്രി നരേന്ദ്ര മോദി, പ്രസിഡന്റ് ദ്രൗപതി മുർമു, വൈസ് പ്രസിഡന്റ് ജഗ്ദീപ് ധൻഖർ എന്നിവർ ആദരാഞ്ജലികൾ അർപ്പിച്ചു.
മുൻ പ്രധാനമന്ത്രിയുടെ സ്മാരകമായ ‘സദൈവ് അടലിൽ’ നടന്ന പ്രാർത്ഥനാ യോഗത്തിൽ കേന്ദ്ര ആഭ്യന്തര മന്ത്രി അമിത് ഷായും മന്ത്രിസഭയിലെ നിരവധി അംഗങ്ങളും വിവിധ പാർട്ടികളിൽ നിന്നുള്ള നേതാക്കളും പങ്കെടുക്കുക യുണ്ടായി. ബിജെപിയുടെ ആദ്യ പ്രധാനമന്ത്രിയായ വാജ്‌പേയി, പാർട്ടിയെ അതിന്റെ അടിത്തറയ്ക്കപ്പുറം ജനകീയമാക്കുകയും ആറ് വർഷക്കാലം ഒരു കൂട്ടുകക്ഷി സർക്കാർ വിജയകരമായി നടത്തുകയും ചെയ്തു. ഈ കാലത്ത് അദ്ദേഹം രാജ്യത്ത് പരിഷ്‌കാരങ്ങളും അടിസ്ഥാന സൗകര്യങ്ങൾ വർദ്ധിപ്പിക്കാനും ശ്രമം നടത്തി.