Crime
സോളാര് ഗൂഢാലോചന, കത്തിലെ കൃത്രിമം, 21 പേജ് 25 പേജാക്കി, കേസിൽ ഗണേഷ് കുമാര് നേരിട്ട് ഹാജരാകാൻ കോടതി
![](http://avatartoday.com/wp-content/uploads/2023/09/K-B-Ganesh-Kumar-1.jpg)
പത്തനംതിട്ട . സോളാര് ഗൂഢാലോചന കേസില് കെ.ബി ഗണേഷ് കുമാര് എം.എല്.എ നേരിട്ട് ഹാജരാകാൻ ആവശ്യപ്പെട്ട് കൊട്ടാരക്കര ഒന്നാം ക്ലാസ് ജുഡീഷ്യല് മജിസ്ട്രേറ്റ് കോടതി. സോളര് കമ്മിഷന് മുന്നില് പരാതിക്കാരി ഹാജരാക്കിയ കത്തില് കൃത്രിമത്വം നടത്തിയെന്ന ഹര്ജിയിലാണ് എംഎല്എ നേരിട്ട് ഹാജരാകണമെന്ന് കോടതി ആവശ്യപ്പെട്ടിരിക്കുന്നത്. പരാതിയില് കഴമ്പുണ്ടെന്ന് കണ്ടെത്തിയ കൊട്ടാരക്കര കോടതി 624- 2021 നമ്പറായി പ്രതികള്ക്കെതിരെ കേസ് എടുത്തിരുന്നു. ഗണേഷ് കുമാറും പരാതിക്കാരിയും കേസ് വിളിക്കുമ്പോൾ ഹാജരായിരുന്നില്ല.
കെ.ബി ഗണേഷ് കുമാര് എം.എല്.എ അടുത്ത മാസം 18-ന് ഹാജരാകണമെന്നാണ് കോടതി ആവശ്യപ്പെട്ടിരിക്കുന്നത്. പരാതിക്കാരിക്ക് വീണ്ടും കോടതി സമന്സ് അയക്കുന്നുണ്ട്. ഹര്ജിക്ക് എതിരെയുള്ള ഹൈക്കോടതിയുടെ സ്റ്റേ അവസാനിച്ച സാഹചര്യത്തിലാണ് വിഷയം കോടതി വീണ്ടും പരിഗണിക്കുന്നത്.
പത്തനംതിട്ട ജയിലില് വച്ച് എഴുതിയ കത്തില് 21 പേജ് ഉണ്ടായിരുന്നെന്നും പിന്നീട് നാല് പേജ് കൂട്ടി ചേര്ത്ത് 25 പേജാക്കിയാണ് ജുഡീഷ്യല് കമ്മിഷന് നല്കിയതെന്നും നടപടിക്ക് പിന്നില് ഗൂഢാലോചനയുണ്ടെന്നും കാട്ടി അഡ്വ. സുധീര് ജേക്കബ്, അഡ്വ.ജോളി അലക്സ് മുഖേന ഫയല് ചെയ്തതാണ് ഈ കേസ്. കേസിൽ മുന് മുഖ്യമന്ത്രി ഉമ്മന് ചാണ്ടി അടക്കം 14 പേര് മൊഴി നല്കിയിരുന്നു. ജയില് സൂപ്രണ്ടിന്റെ റിപ്പോര്ട്ട് ഉൾപ്പടെ തെളിവുകള് വാദി ഭാഗം കോടതിയില് ഹാജരാക്കിയിരുന്നു. സമന്സ് റദ്ദാക്കണമെന്ന് ആവശ്യപ്പെട്ട് കെ.ബി.ഗണേഷ്കുമാറും പരാതിക്കാരിയും ഹൈക്കോടതിയെ സമീപിച്ചതോടെയാണ് തുടര് നടപടികള് ഹൈക്കോടതി രണ്ടുമാസത്തേക്ക് സ്റ്റേ ചെയ്യുന്നത്.
സോളാര് പരാതിക്കാരി എഴുതിയ കത്തില് ഉമ്മന് ചാണ്ടിയുടെ പേര് എഴുതിച്ചേര്ത്തതാണെന്ന് സി.ബി.ഐയും കണ്ടെത്തിയതോടെ ഇടവേളക്കുശേഷം കേസ് വീണ്ടും ചര്ച്ചയാവുകയായിരുന്നു. ഉമ്മന് ചാണ്ടിയെ കേസില് കുടുക്കാന് കെ.ബി. ഗണേഷ് കുമാര് ഉള്പ്പെടെയുള്ളവരുടെ നേതൃത്വത്തില് ഗൂഢാലോചന നടന്നെന്നാണ് സി.ബി.ഐ റിപ്പോര്ട്ടില് പറഞ്ഞിരുന്നത്. ഇതിന് ആധാരമായ തെളിവുകൾ വാദി ഭാഗം ഹാജരാക്കിയിരുന്നു എന്നതാണ് ശ്രദ്ധേയം. ഉമ്മന് ചാണ്ടിയെ കുറ്റവിമുക്തനാക്കി കോടതിയില് സമര്പ്പിച്ച റിപ്പോര്ട്ടിലാണ് ഗൂഢാലോചന നടന്നെന്ന പരാമര്ശം ഉണ്ടായിരുന്നത്.
Crime
കൊലപ്പെടുത്തി മരത്തിൽ കെട്ടി തൂക്കിയ നിലയിൽ ദൽഹിയിൽ മലയാളി വ്യവസായിയുടെ മൃതദേഹം കണ്ടെത്തി
![](http://avatartoday.com/wp-content/uploads/2023/09/PP-Sujathan.jpg)
ന്യൂദൽഹി . ദൽഹിയിൽ മലയാളി വ്യവസായിയെ കൊലപ്പെടുത്തി വീടിന് സമീപമുള്ള പാർക്കിലെ മരത്തിൽ കെട്ടിത്തൂക്കിയ നിലയിൽ കണ്ടെത്തി. എസ്എൻഡിപി ദ്വാരക ശാഖയുടെ സെക്രട്ടറി ആയിരുന്ന, തിരുവല്ല മേപ്രാൽ കൈലാത്ത് ഹൗസിൽ പി.പി സുജാതൻ (60) നെ ആണ് കൊല്ലപ്പെട്ട നിലയിൽ കണ്ടെത്തുന്നത്. സുജാതൻ താമസിച്ചിരുന്ന വീടിനു സമീപമുള്ള പാർക്കിലാണ് മൃതദേഹം കണ്ടെത്തുന്നത്.
പാർക്കിൽ പ്രഭാതസവാരിക്ക് വന്നവരാണ് മൃതദേഹം ആദ്യം കാണുന്നത്. മൃതദേഹം കെട്ടി തൂക്കിയ നിലയിലായിരുന്നു. മൃതദേഹത്തിന്റെ കഴുത്തിലും കൈയ്യിലും അക്രമിക്കപ്പെട്ടതിന്റെ പാടുകൾ ഉണ്ട്. ദ്വാരകയ്ക്ക് സമീപമുള്ള തിരുപ്പതി പബ്ലിക് സ്കൂളിന് സമീപമാണ് സുജാതൻ താമസിച്ചു വന്നിരുന്നത്. വ്യാഴാഴ്ച രാത്രി ഒൻപതുമണിയോടെ ബിസിനസ് ആവശ്യങ്ങളുമായി ബന്ധപ്പെട്ട് ജയ്പൂരിലേക്ക് പോകാൻ വീട്ടിൽ നിന്നും ഇറങ്ങിയതാണെന്നാണ് ബന്ധുക്കൾ പറയുന്നത്.
സുജാതന്റെ ബാഗ് പോലീസ് കണ്ടെത്തിയിട്ടുണ്ട്. പേഴ്സ്, മൊബൈൽ ഫോൺ എന്നിവ ബാഗിൽ നിന്നും നഷ്ടപ്പെട്ടിട്ടുണ്ട്. സുജാതൻ ധരിച്ചിരുന്ന ഷർട്ട് ഉപയോഗിച്ചാണ് മൃതദേഹം മരത്തിൽ കെട്ടിത്തൂക്കിയതെന്നാണ് പോലീസ് പറയുന്നത്. മൃതദേഹം ഹരിനഗർ ദീൻദയാൽ ആശുപത്രി മോർച്ചറിയിലേക്ക് മാറ്റിയിട്ടുണ്ട്. സംസ്കാരം ദൽഹിയിൽ തന്നെ നടത്തും. പ്രീതിയാണ് ഭാര്യ. ശാന്തിപ്രിയ, കോളേജ് വിദ്യാർത്ഥിയായ അമൽ എന്നിവരാണ് മക്കൾ.
-
Crime1 year ago
നവ്യ നായരുമായി ഡേറ്റിംഗ് സച്ചിന് സാവന്തിന് ഹരം, ലക്ഷങ്ങള് വിലപിടിപ്പിള്ള ആഭരണങ്ങള് നൽകി, നവ്യയെ കാണാൻ 10 തവണ കൊച്ചിക്ക് പറന്നു
-
Entertainment1 year ago
സിനിമാ – സീരിയൽ താരം അപർണ നായർ വീട്ടിൽ തൂങ്ങി മരിച്ചനിലയിൽ
-
Latest News1 year ago
പുതുപ്പള്ളിയിൽ ജെയ്ക് നിലം പൊത്തി, ചാണ്ടി ഉമ്മനു റെക്കോർഡ് ഭൂരിപക്ഷം.
-
Crime1 year ago
അപർണ പി.നായർ ജീവനൊടുക്കിയത് മനം നൊന്ത് , അന്ത്യ യാത്രയെ പറ്റി പറഞ്ഞത് അമ്മയോട് മാത്രം
-
Entertainment1 year ago
‘മോഹൻലാൽ മന്ത്രിയാകും, കാവ്യക്ക് ഭർതൃയോഗം ഇല്ല’ വയറ്റിപ്പിഴപ്പ് ജ്യോതിഷിയുടെ പ്രവചങ്ങൾ വൈറൽ
-
Entertainment1 year ago
നാലാമത്തെ കുഞ്ഞിനെ ദത്തെടുത്ത് മോഹൻ ലാലിന്റെ മകൾ വിസ്മയ
-
Latest News1 year ago
യോഗി ആദിത്യനാഥിന്റെ ഉത്തര്പ്രദേശില് ചന്ദ്രയാന് 3 വിജയകരമാകാൻ മദ്രസയില് പ്രത്യേക പ്രാര്ത്ഥന
-
Latest News1 year ago
തീര്ത്ഥാടന കേന്ദ്രങ്ങളെ ബന്ധിപ്പിക്കുന്ന വന്ദേ ഭാരത് സർവീസിന്റെ സാധ്യത പഠനം നടക്കുന്നു