Crime
ബിസ്ക്കറ്റ് പാക്കറ്റുകൾക്കുള്ളിൽ ഒളിപ്പിച്ച് നാല് കിലോ കഞ്ചാവ്
പാലക്കാട് . ബിസ്ക്കറ്റ് പാക്കറ്റുകൾക്കുള്ളിൽ ഒളിപ്പിച്ച് കടത്താൻ ശ്രമിച്ച നാല് കിലോ കഞ്ചാവ് എക്സെെസ് പാലക്കാട് പിടികൂടി. ആലപ്പുഴ – ധർബാദ് എക്‌സ്‌പ്രസിൽ ഉപേക്ഷിക്കപ്പെട്ട ബാഗിലായിരുന്നു കഞ്ചാവ് ഉണ്ടായിരുന്നത്. ഓണക്കാലത്തെ ലഹരി ഒഴുക്ക് തടയാനുള്ള പരിശോധനയിലാണ് കഞ്ചാവ് കണ്ടെത്തുന്നത്. കേരളത്തിലാദ്യമായാണ് ബിസ്ക്കറ്റ് രൂപത്തിലാക്കി കഞ്ചാവ് കടത്താൻ ശ്രമിക്കുന്നത്.
മാരിലെെറ്റ് ബിസ്ക്കറ്റിന്റെ പായ്ക്കറ്റിൽ അതേ രൂപത്തിൽ തന്നെ കഞ്ചാവ് ഒളിപ്പിച്ചിരിക്കുകയായിരുന്നു. ആറ് ബിസ്ക്കറ്റിന്റെ പായ്ക്കറ്റുകളിലായി 22 കവറുകളിൽ തിരിച്ചറിയാൻ കഴിയാത്ത നിലയിലായിരുന്നു കഞ്ചാവ് ഉണ്ടായിരുന്നതെന്ന് എക്സെെസ് ഉദ്യോഗസ്ഥർ പറഞ്ഞു. സംഭവത്തിൽ അന്വേഷണം നടത്തി വരുകയാണ്.