Crime
കരുവന്നൂർ ബാങ്കിലെ തട്ടിപ്പും കള്ളപ്പണ ഇടപാടുകളും രേഖകൾ ഇ ഡി പുറത്ത് വിട്ടു
സി പി എം നേതാക്കളുടെ സഹായത്തോടെ കരുവന്നൂർ ബാങ്കിൽ നടന്ന തട്ടിന്റെയും കള്ളപ്പണ ഇടപാടുകളുടെയും പിടിച്ചെടുത്ത രേഖകൾ ഇ ഡി പുറത്ത് വിട്ടു. കരുവന്നൂർ ബാങ്ക് തട്ടിപ്പ് കേസിലെ ഒന്നാം പ്രതി പി.സതീഷ് കുമാറിന്റെ 25 ബെനാമി ഇടപാടുകളുടെ രേഖകൾ കണ്ടെത്തിയെന്ന് എൻഫോഴ്സ്മെന്റ് ഡയറക്ടറേറ്റ് വെളിപ്പെടുത്തിയിരി ക്കുകയാണ്. പരിശോധനയിൽ പ്രതികൾ നടത്തിയ ബെനാമി രേഖകളുടെ തെളിവുകൾ ഇ ഡി സംഘത്തിന് കിട്ടിയിരുന്നു.
മുഖ്യപ്രതിയായ സതീഷ് കുമാർ നടത്തിയ ബെനാമി ഇടപാടിന്റെ രേഖകളാണ് ഇഡി കണ്ടെത്തിയിട്ടുള്ളത്. ആധാരം എഴുത്തുകാരുടെ വീട്ടിൽ നടത്തിയ പരിശോധനയിൽ പിടിച്ചെടുത്ത 25 ബെനാമി രേഖകൾ ആണ് പുറത്ത് വിട്ടിട്ടുള്ളത്. എസ് ടി ജ്വല്ലറി ഉടമയുടെ വീട്ടിൽ നടത്തിയ റെയ്‌ഡിൽ സ്വർണവും പണവും പിടിച്ചെടുത്തിരുന്നു. കരുവന്നൂ‍‍ര്‍ കേസിലെ പ്രതിയായ ഒളിവിലുള്ള അനിൽ കുമാറിന്റെ വീട്ടിൽ നിന്ന് 15 കോടി മൂല്യമുള്ള 5 രേഖകകളും, എറണാകുളത്തെ വ്യവസായി ദീപക് സത്യപാലിന്റെ വീട്ടിൽ നിന്ന് 5 കോടി വിലമതിക്കുന്ന 19 രേഖകളും ഇ ഡി പിടികൂടിയിരുന്നു.