Latest News
ചാണ്ടി ഉമ്മന് വന്‍ ഭൂരിപക്ഷത്തോടെ വിജയിക്കും, ജയ്ക്കിന് തോൽവി, പുതുപ്പള്ളി യുഡിഎഫ് കോട്ട തന്നെ, എക്‌സിറ്റ് പോള്‍ ഫലങ്ങള്‍ പുറത്ത്
പുതുപ്പള്ളി ഉപതെരഞ്ഞടുപ്പില്‍ യുഡിഎഫ് സ്ഥാനാര്‍ത്ഥി ചാണ്ടി ഉമ്മന് വന്‍ ഭൂരിപക്ഷത്തില്‍ വിജയിക്കുമെന്ന് എക്‌സിറ്റ് പോള്‍ ഫലങ്ങള്‍. ആകെ പോള്‍ ചെയ്ത വോട്ടിന്റെ 53 ശതമാനം നേടി ചാണ്ടി ഉമ്മന് ജയിക്കുമന്നാണ് ആക്‌സിസ് മൈ ഇന്ത്യയുടെ എക്‌സിറ്റ് പോള്‍ പറയുന്നത്. വിവിധ ബൂത്തുകളില്‍ വോട്ട് ചെയ്തിറങ്ങിയ 509 വോട്ടര്‍മാരെ നേരിട്ട് കണ്ടാണ് ആക്‌സിസ് മൈ ഇന്ത്യ എക്‌സിറ്റ് പോള്‍ തയ്യാറാക്കിയിരിക്കുന്നത്.
യുഡിഎഫ് സ്ഥാനാര്‍ത്ഥി ചാണ്ടി ഉമ്മന് 53 ശതമാനം വോട്ടുകൾ സ്വന്തമാക്കും. എല്‍ഡിഎഫ് സ്ഥാനാര്‍ത്ഥി ജെയ്ക് സി തോമസിന് 39 ശതമാനം വേട്ടും ബിജെപി സ്ഥാനാര്‍ത്ഥി ലിജിന്‍ ലാലിന് അഞ്ച് ശതമാനം വോട്ടും കിട്ടുമെന്നാണ് എക്‌സിറ്റ് പോള്‍. മറ്റുള്ളവര്‍ മൂന്നു ശതമാനം വോട്ട് പിടിക്കുമെന്നും സര്‍വേ പറയുന്നു. ആകെ 1,31,026 വോട്ടാണ് ഉപതെരഞ്ഞെടുപ്പില്‍ പോള്‍ ചെയ്തത്. എക്‌സിറ്റ് പോളിന്റെ ശതമാന കണക്ക് അനുസരിച്ച യുഡിഎഫിന് 69,443 വോട്ടും എല്‍ഡിഎഫിന് 51,100 വോട്ടും ബിജെപി 6551 വോട്ടും കിട്ടുമെന്നാണ് കണക്കുകള്‍. ഉമ്മന് ചാണ്ടിയുടെ മകന്‍ ചാണ്ടി ഉമ്മന് 18,000 ല്‍ അധികം ഭൂരിപക്ഷം കിട്ടാന്‍ സാധ്യത ഉണ്ടെന്നാണ് എക്‌സിറ്റ് പോള്‍ പറഞ്ഞിരിക്കുന്നത്.