Crime
വിവാഹ വാഗ്ദാനം നൽകി പീഡിപ്പിച്ച് 11 ലക്ഷം തട്ടിയെടുത്ത് അടിച്ചു പൊളിച്ചു, ഷിയാസ് കരീമിനെതിരെ പീഡന പരാതിയിൽ കേസ്
കാസർകോട് . നടനും ബിഗ് ബോസ് താരവുമായ ഷിയാസ് കരീമിനെതിരെ പീഡന പരാതിയിൽ കേസെടുത്ത് കാസർകോട് ചന്തേര പൊലീസ്. ഹോസ്ദുർഗ് താലൂക്കിലെ തീരദേശ സ്വദേശിനിയായ യുവതിയെ വിവാഹ വാഗ്ദാനം നൽകി പീഡിപ്പിച്ചുവെന്ന പരാതിയിലാണ് കേസടുത്തിരിക്കുന്നത്. ഹോസ്ദുർഗ് താലൂക്കിലെ തീരദേശ സ്വദേശിനിയായ യുവതിയാണ് പരാതിക്കാരി. പൊലീസ് യുവതിയുടെ മൊഴി രേഖപ്പെടുത്തി.
കേരളത്തിലെ അറിയപ്പെടുന്ന മോഡലും സോഷ്യൽ മീഡിയ താരവുമാണ് ഷിയാസ് കരീം. ബിഗ് ബോസ് അടക്കമുള്ള റിയാലിറ്റി ഷോകളിലും ഷിയാസ് കരീം പങ്കെടുത്തിട്ടുണ്ട്. വർഷങ്ങളായി എറണാകുളത്തെ ജിമ്മിൽ ട്രെയിനറായിരിക്കെയാണ് യുവതി നടനെ പരിചയപ്പെടുന്നത്. വിവാഹ വാഗ്ദാനം നൽകി ചെറുവത്തൂർ ദേശീയ പാതയോരത്തെ ഹോട്ടലിൽ കൊണ്ടുപോയി ഷിയാസ് കരീം പീഡിപ്പിച്ചെന്നാണ് പരാതിയിൽ പറഞ്ഞിട്ടുള്ളത്. കൂടാതെ 11 ലക്ഷത്തോളം രൂപ ഷിയാസ് കരീം തട്ടിയെടുത്തെന്നും പരാതിയിൽ പറയുന്നുണ്ട്.