Crime
സാനിറ്ററി പാഡിനകത്ത് 679 ഗ്രാം സ്വർണം ഒളിപ്പിച്ച് കടത്താൻ ശ്രമിച്ച യുവതി പിടിയിൽ
കൊച്ചി . സാനിറ്ററി പാഡിനകത്ത് യുവതി ഒളിപ്പിച്ച് കടത്താൻ ശ്രമിച്ച 29 ലക്ഷം രൂപയുടെ 679 ഗ്രാം സ്വർണം കൊച്ചി രാജ്യാന്തര വിമാനത്താവളത്തിൽ കസ്റ്റംസ് പിടികൂടി. ദുബായിൽ നിന്നും എത്തിയ തമിഴ്നാട് തിരുപ്പൂർ സ്വദേശിനിയായ യുവതി ഗ്രീൻ ചാനലിലൂടെയാണ് കടക്കാൻ ശ്രമിക്കുന്നതിനിടെ കസ്റ്റംസ് ഉദ്യോഗസ്ഥർ തടയുകയായിരുന്നു.
ഇവരുടെ പെരുമാറ്റത്തിൽ സംശയം തോന്നിയ കസ്റ്റംസ് ഉദ്യോഗസ്ഥർ യുവതിയെ ദേഹപരിശോധനക്ക് വിധേയമാക്കുമ്പോഴാണ് സ്വർണം കടുത്താനാവുന്നത്. സാനിറ്ററി പാഡിനകത്ത് ഇവർ 679 ഗ്രാം സ്വർണം ഒളിപ്പിച്ച് വെച്ച് സാനിറ്ററി പാഡ് ധരിച്ചിരിക്കുകയായിരുന്നു. പരിശോധനയിലൂടെ കസ്റ്റംസ് സ്വർണം കണ്ടെത്തി. തുടർന്ന് യുവതിയെ കസ്റ്റംസ് കസ്റ്റഡിയിലെടുത്തു.