Entertainment
നയൻതാരയും അനുഷ്ക ഷെട്ടിയും നേർക്ക് നേർ പോരിനിറങ്ങുന്നു

തെന്നിന്ത്യയുടെ പ്രിയപ്പെട്ട നായികമാരായ നയൻതാരയും അനുഷ്ക ഷെട്ടിയും തിയേറ്ററുകളിൽ നേർക്ക് നേർ പോരിനിറങ്ങുന്നു. നയൻതാര നായികയായെത്തുന്ന ജവാനും അനുഷ്ക നായികയായെത്തുന്ന മിസ് ഷെട്ടി, മിസ്റ്റർ പോളിഷെട്ടിയും ഒരേ ദിവസം തിയേറ്ററുകളിലെത്തും. സെപ്റ്റംബർ ഏഴിനാണ് ഇരുചിത്രങ്ങളും പ്രേക്ഷകർക്ക് മുന്നിലെത്തുന്നത്. ഇതോടെ ബോക്സോഫീസിൽ താരറാണിമാരുടെ ചിത്രങ്ങൾ തമ്മിൽ നേർക്ക് നേർ പോരാട്ടം നടക്കും.
നയൻതാരയും അനുഷ്ക ഷെട്ടിയും വർഷങ്ങളായി സിനിമയിൽ നിറഞ്ഞു നിൽക്കുകയാണ്. അനുഷ്ക ഇടയ്ക്ക് സിനിമയിൽ നിന്ന് ചെറിയ ഒരിടവേളയെടുത്തെങ്കിലും പിന്നീട് തിരികെയെത്തി.ഇപ്പോൾ രണ്ട് പേരും സിനിമ ലോകത്ത് വളരെ സജീവമാണ്. നയൻതാര ഷാരൂഖിന്റെ നായികയായി ജവാനിലൂടെ ബോളിവുഡ് അരങ്ങേറ്റവും നടത്തി. എന്നാൽ തെന്നിന്ത്യയിപ്പോൾ താരറാണിമാരുടെ നേർക്കു നേർ പോരാട്ടത്തിനാണ് സാക്ഷ്യം വഹിക്കാൻ പോകുന്നതെന്നാണ് സിനിമപ്രേമികളുടേയും ആരാധകർക്കുമിടയിൽ മുഖ്യ ചർച്ചയായിരിക്കുന്നത്.
അനുഷ്ക ചിത്രം ഓഗസ്റ്റ് നാലിന് റിലീസ് ചെയ്യാനായിരുന്നു ആദ്യം തീരുമാനിച്ചിരുന്നത്. ഇടവേളയ്ക്ക് ശേഷം അനുഷ്ക എത്തുന്ന ചിത്രം കൂടിയാണ് മിസ് ഷെട്ടി, മിസ്റ്റർ പോളി ഷെട്ടി. ഷാരൂഖ് ഖാനും നയൻതാരയും വിജയ് സേതുപതിയും ഒന്നിക്കുന്ന ജവാന് വേണ്ടിയുള്ള സിനിമ പ്രേക്ഷകരുടെ ആവേശം ഓരോ ദിവസം കഴിയുന്തോറും കൂടി വരുകയാണ്. പോസ്റ്റ് പ്രൊഡക്ഷൻ ജോലികൾ വൈകിയതിനെത്തുടർന്നാണ് സെപ്റ്റംബറിലേക്ക് റിലീസ് നീണ്ടത്.
നവീൻ പോളിഷെട്ടിയാണ് ചിത്രത്തിൽ അനുഷ്കയുടെ നായകൻ. കഴിഞ്ഞ ദിവസം ചിത്രത്തിന്റെ ടീസറും പുറത്തുവന്നു. മഹേഷ് ബാബു സംവിധാനം ചെയ്യുന്ന റൊമാന്റിക് കോമഡിയായിട്ടാണ് ചിത്രമൊരുങ്ങുന്നത്. യുവി ക്രിയേഷൻസാണ് ചിത്രത്തിന്റെ നിർമ്മാണം. കഴിഞ്ഞ ദിവസം നയൻതാരയും ഷാരൂഖ് ഖാനും ഒന്നിച്ചുള്ള ജവാനിലെ പ്രണയ ഗാനം പുറത്തുവന്നു. വൻ സ്വീകാര്യതയായിരുന്നു പാട്ടിന് ലഭിച്ചത്. ചിത്രത്തിൽ വില്ലനായാണ് വിജയ് സേതുപതി എത്തുന്നത്. ജവാന്റേതായി പുറത്തുവന്ന അപ്ഡേറ്റുകൾക്കെല്ലാം വൻ സ്വീകാര്യതയാണ് ഇതിനകം ലഭിച്ചിട്ടുള്ളത്.
മാസ് ആക്ഷൻ സീക്വൻസുകളും ഗാനങ്ങളുമെല്ലാം ജവാന്റെ പ്രതീക്ഷ ഉയർത്തുന്ന ഘടകങ്ങളാണ്. ആക്ഷനും വികാരങ്ങളുമെല്ലാം കോർത്തിണക്കിയ ചിത്രമാണ് ജവാനെന്നാണ് പുറത്തുവന്ന വീഡിയോകൾ സൂചന നൽകുന്നത്. റെഡ് ചില്ലീസ് എന്റർടെയ്ൻമെന്റിന്റെ ബാനറിൽ ഗൗരി ഖാനാണ് ചിത്രം നിർമ്മിക്കുന്നത്. ഹിന്ദി, തെലുങ്ക്, തമിഴ് ഭാഷകളിലാണ് ചിത്രം റിലീസിനെത്തുക. നയൻതാരയുടേയും അറ്റ്ലിയുടേയും ബോളിവുഡ് അരങ്ങേറ്റം കൂടിയാണ് ജവാൻ. ചിത്രത്തിൽ വ്യത്യസ്ത ഗെറ്റപ്പിലാണ് ഷാരൂഖെത്തുന്നത്. സാന്യ മൽഹോത്ര, പ്രിയ മണി എന്നിവരും ചിത്രത്തിൽ പ്രധാന വേഷത്തിലെത്തുന്നു. പഠാനെന്ന സൂപ്പർ ഹിറ്റിന് ശേഷം ഷാരൂഖ് നായകനായെത്തുന്ന ചിത്രമാണ് ജവാൻ. അതുകൊണ്ട് തന്നെ പ്രേക്ഷകർക്കും പ്രതീക്ഷകളേറെയാനുള്ളത്.
Entertainment
സെന്സര് ബോർഡ് ‘മാർക്ക് ആന്റണി’ക്ക് 6.5 ലക്ഷം കൈക്കൂലി വാങ്ങിയെന്ന് വിശാൽ, അന്വേഷണം പ്രഖ്യാപിച്ച് കേന്ദ്രം

ചെന്നൈ . തന്റെ പുതിയ സിനിമയായ മാർക്ക് ആന്റണിയുടെ ഹിന്ദി പതിപ്പിന്റെ പ്രദര്ശനത്തിനും സര്ട്ടിഫിക്കറ്റിനുമായി മുംബൈയിലെ സെന്സര് ബോര്ഡിലെ ഉദ്യോഗസ്ഥര്ക്ക് 6.5 ലക്ഷം കൈക്കൂലി കൊടുക്കേണ്ടി വന്നുവെന്ന വെളിപ്പെടുത്തലുമായി നടന് വിശാല് രംഗത്ത്. ചിത്രത്തിന്റെ സ്ക്രീനിങ്ങിന് മൂന്നു ലക്ഷവും, യു/എ സർട്ടിഫിക്കറ്റ് കിട്ടാൻ മൂന്നര ലക്ഷം രൂപയും നൽകേണ്ടി വന്നെന്നാണ് വിശാല് എക്സില് പങ്കുവെച്ച അഴിമതി ആരോപണത്തിൽ പറഞ്ഞിട്ടുള്ളത്. സംഭവത്തിൽ, ഇത്തരമൊരു അവസ്ഥ നിര്ഭാഗ്യകരമാണെന്നും ഉടന് അന്വേഷണം നടത്തുമെന്നും കേന്ദ്രസര്ക്കാര് പ്രഖ്യാപിച്ചിട്ടുണ്ട്.
നടന് വിശാലിന് സ്ക്രീനിങ്ങിനും, യു/എ സർട്ടിഫിക്കറ്റ് കിട്ടാനുമായി കൈക്കൂലി വാങ്ങിയ വ്യക്തികളുടെ പേരു വിവരങ്ങളും പണമയച്ചുകൊടുത്ത ബാങ്ക് അക്കൗണ്ട് നമ്പറുകളും നടന് സമൂഹമാധ്യമത്തില് പങ്കുവെച്ചിട്ടുണ്ട്. ആരോപണത്തില് അന്വേഷണം നടത്താനായി വാർത്താ വിതരണ പ്രക്ഷേപണ മന്ത്രാലയം മുതിർന്ന ഉദ്യോഗസ്ഥനെ ഉടൻ മുംബൈയ്ക്ക് അയച്ചിട്ടുണ്ട്. വിശാൽ ഉന്നയിച്ച ആരോപണത്തിലുൾപ്പെട്ടവർക്കെതിരെ കർശന നടപടിയെടുക്കുമെന്ന് വാർത്താ വിതരണ പ്രക്ഷേപണ മന്ത്രാലയം അറിയിച്ചിരിക്കുകയാണ്.
പ്രധാനമന്ത്രി നരേന്ദ്ര മോദിയേയും മഹാരാഷ്ട്ര മുഖ്യമന്ത്രിയേയും ടാഗ് ചെയ്തുകൊണ്ടാണ് വിശാൽ ഇത് സംബന്ധിച്ച വീഡിയോ എക്സില് പങ്കുവെച്ചിട്ടുള്ളത്. സിനിമയില് അഴിമതി കാണിക്കുന്നതില് കുഴപ്പമില്ലെന്നും എന്നാൽ യഥാര്ത്ഥ ജീവിതത്തില് അഴിമതി കാണുന്നത് ദഹിക്കില്ലെന്നും വിശാലിന്റെ സമൂഹമാധ്യമ പോസ്റ്റിൽ പറഞ്ഞിരിക്കുന്നു. രവിചന്ദ്രൻ സംവിധാനം ചെയ്ത മാർക്ക് ആന്റണി ടൈം ട്രാവൽ ചിത്രമാണ്. വിശാലും എസ്. ജെ സൂര്യയുമാണ് പ്രധാന വേഷത്തില് ഈ ചിത്രത്തിൽ അഭിനയിച്ചിരിക്കുന്നത്.
-
Entertainment2 years ago
സെന്സര് ബോർഡ് ‘മാർക്ക് ആന്റണി’ക്ക് 6.5 ലക്ഷം കൈക്കൂലി വാങ്ങിയെന്ന് വിശാൽ, അന്വേഷണം പ്രഖ്യാപിച്ച് കേന്ദ്രം
-
Crime2 years ago
നവ്യ നായരുമായി ഡേറ്റിംഗ് സച്ചിന് സാവന്തിന് ഹരം, ലക്ഷങ്ങള് വിലപിടിപ്പിള്ള ആഭരണങ്ങള് നൽകി, നവ്യയെ കാണാൻ 10 തവണ കൊച്ചിക്ക് പറന്നു
-
Latest News2 years ago
വനിതാ സംവരണ ബില്ലിൽ രാഷ്ട്രപതി ദ്രൗപതി മുർമു ഒപ്പുവെച്ചു, നിയമമായി
-
Latest News2 years ago
സൗന്ദര്യ വര്ധക ഉല്പന്നങ്ങള് ഉപയോഗിക്കുന്നവരിൽ വൃക്ക രോഗം കണ്ടെത്തി
-
Latest News2 years ago
അക്രമം പരസ്യമായി വാദിക്കുന്ന തീവ്രവാദികളെ കാനഡ സ്വീകരിക്കുന്നു – എസ് ജയശങ്കർ
-
Latest News2 years ago
ഭൂമി വിട്ട് പുതിയ ഭ്രമണപഥത്തിലേക്ക് കുതിച്ചുയർന്ന് ആദിത്യ എൽ1
-
Crime2 years ago
പൊന്നാനി മാതൃശിശു ആശുപത്രിയിൽ എട്ട് മാസം ഗർഭിണിയായ യുവതിക്ക് രക്തം മാറി നൽകി ഗുരുതര വീഴ്ച
-
Latest News2 years ago
പ്രധാനമന്ത്രി നരേന്ദ്രമോദി ഒമ്പത് വന്ദേ ഭാരത് ട്രെയിനുകള് പുതുതായി ഞായറാഴ്ച ഫ്ലാഗ് ഓഫ് ചെയ്യും