Crime
കരവന്നൂർ ബാങ്ക് തട്ടിപ്പ് കേസിൽ മുൻ അക്കൗണ്ടന്റ് സി കെ ജിൽസനും അരവിന്ദാക്ഷനും അറസ്റ്റിലായി
തൃശൂർ . കരവന്നൂർ ബാങ്ക് തട്ടിപ്പ് കേസിൽ കള്ളപ്പണ ഇടപാടുമായി ബന്ധപ്പെട്ട് ക്രൈം ബ്രാഞ്ച് അറസ്റ്റ് ചെയ്തിരുന്ന മുൻ അക്കൗണ്ടന്റ് സി കെ ജിൽസിനെ ഇ ഡി അറസ്റ്റ് ചെയ്തു. കൊച്ചി ഇ ഡി ഓഫീസിൽ ചോദ്യം ചെയ്ത ശേഷമായിരുന്നു അറസ്റ്റ്. ജിൽസ്, മാനേജർ ബിജു കരീം എന്നിവർ വായ്പാത്തട്ടിപ്പിലൂടെ കോടികൾ സമ്പാദിച്ചതായി ഇഡി നേരത്തെ കണ്ടെത്തിയിരുന്നതാണ്.
നേരത്തെ കള്ളപ്പണ ഇടപാട് നടത്തിയ വെളപ്പായ സതീശൻ, പി പി കിരൺ എന്നിവരെ ഇ ഡി അറസ്റ്റ് ചെയ്തിരുന്നു. ഇതിന് കൂട്ടുനിന്ന് കൈക്കൂലിയിനത്തിൽ പണമുണ്ടാക്കിയ ബിജു കരീമും ജില്‍സുമാണെന്ന് ഇ ഡി കണ്ടെത്തിയിരുന്നതാണ്. കേസിൽ വടക്കാഞ്ചേരി നഗരസഭാ കൗണ്‍സിലറും സിപിഐഎം നേതാവുമായ പി ആർ അരവിന്ദാക്ഷനെയും ഇ ഡി അറസ്റ്റ് ചെയ്തിരുന്നു.
തൃശൂരിൽ നിന്നാണ് അരവിന്ദാക്ഷനെ അറസ്റ്റ് ചെയ്യുന്നത്. കരുവന്നൂർ ബാങ്ക് തട്ടിപ്പ് കേസിൽ അന്വേഷണം നേരിടുന്ന എ സി മൊയ്തീൻ എംഎൽഎയുടെ അടുത്ത സുഹൃത്താണ് പി ആർ അരവിന്ദാക്ഷൻ. കേസിലെ മുഖ്യപ്രതിയായ സതീഷ് കുമാറുമായി ഇയാൾക്ക് അടുത്ത ബന്ധമുണ്ട്. കൂടാതെ എ.സി.മൊയ്തീന്റെ വിശ്വസ്തനായിരുന്നു അരവിന്ദാക്ഷൻ എന്നതാണ് ശ്രദ്ധേയം.